Il primo fan's site su BRIGANTONY!

‘U iocu do lottu

- Mich... ma cchì fudda c’è cc’avanti sta potta! Ma cchì i fanu franchi qua le bucate di sti tempi?!!!Iu m’ hava n’zunnatu n’zonnu e mi vuleva fari na bucata ma così mi passa anche il pititto e che non saccio mancu li n’nummara... Ora ci spio a questo cristiano...

- Senta, senta mi scusi siccome m’ ho n’zunnato n’zonno e non mi arrevulo molto a spurugghiarimi li n’nummara, ma lei chi fa li sapi smuffiari cchi saccio s’arrangia?

- Cchi sacciu, m’arrangio, m’arrangio bonu!

- Allura mi fa sta cottesia ci cuntu u sonnu a lei? Ni mittemu rannicchia di latu picchì ccà c’è tutta sta fudda non vulissi ca sentono il mio sonno... Macari mi ponu arrubbari i n’ nummara! Ammenu su nesci quacche tennu, quacche rialeddu ci lu pozzu fari a lei senza offesa.

- Va beni cco so piaciri.

- Allo ce lo posso contare a lei il sonno? Ce lo conto?

- Cuntassi, cuntassi.

- Accumenciu?

- Accumencia.

- Però non ni mittemu accussì stritti! Pari ca semu ziti.

- Pi quantu no ni virunu! Allura?!

- Mi ho n’zunnato a usu ca stava scinnennu da via Etnea.

- Chi era di jonnu?

- No! Non era di jonnu, era di sera ‘nto curari! Allora mentri ca stava scinnennu tuttu ‘ncoppu sentu na voci: “Lattuca, Lattuca...”

- Cu era u fruttaiolu?

- Lattuca mi chiamo io! Vado Lattuca di cognome e sentendo giustamente il mio cognome mi giro e vedo un tocco.

- Un tocco?

- Un niuru! Comu u chiama lei? Un tocco!

- Niuru, vah!

- Niuru!

- Parranno tra nutri questo tocco arrireva.

- Arrireva ?

- E mi ho scantato annicchedda picchì era dù metri.... aveva na sorta di funcia ca ‘mporco s’ava mettìri di lato.

- Iddu!

- E arireva con quella funciazza che pareva squalo uno che lo vireva, vah....io nel sonno vah...Appoi u sapi ‘nto sonnu i viri chiù tragichi i cosi...

- Cetto.

- E ho visto che arrancava... Mich... Mi arrancava d’ appressu.

- Iddu.

- Io come ho visto così parranno cu lei subito mi ho messo a correre.

- Si scantau?!?!?

- E ho corruto, corruto, corruto fino ‘nbellu pezzu.

- Si scantau?

- Arrivato dove c’è la statua di Garibaldi... l’avi presenti Garibaldi?

- Ddocu m’a’ fazzu.

- Mi girai... Dissi... Viremu su a chissà l’ ho seminato annicchedda... no!

- Allura?

- Ddocu iu mi giru... Minc... e quando m’ho girato ho visto due tocchi.

- Due tocchi?

- Neri, sempre neri e tutti e dui c’arirevunu con quella fungiazza

- Allora?

- Tutti e due mi venivano d’ appresso, arrancavano e come correvano!!! E arrirevunu sti figghi di iarusa...

- Mich...

- Ddocu lei a pinsari ca mi sono messo a correre, ho corruto proprio cchiù fotti ancora...Che la pantasciata mi acchianava pure nel cannarozzo...arrivando dove c’ era... l’havi presente a Rinascenti?

- Ddocu ma fazzu.

-‘Nta ddu mumentu non visti chiù nenti, mi giro ancora e visti tre tocchi! Comu viru tre tocchi non ci visti chiù di l’occhi! Camminava e correva! Non si mittissi arriri...Minc...! Ho corruto più forte che proprio i tacchi mi ‘ntappavano ‘nte culo.

- A lei, minc...!

- Dissi, viremu l’ho seminati! Inveci chisti mi currevunu d’appressu...Di coppu mi visti appuggiari na manu ‘nta spadda.

- Minc...!

- Un altro s’è abbrancicato sulle spalle.

- Minc...!

- Nautru s’abbiò nella curia...Dissi...Chisti hanu ‘ntenzioni tragichi! Ddocu ho capito la situazione....poi come ho visto ca s’abbianu tutti ‘nto spadda seggi...

- Minc...!

- Le schigghe che ho jttato ddocu, vuci, schigghe, hav’arrusbigghiatu u palazzu dove abito.

- Certo!

- Tantu ca su ci pensu ancora che ce lo conto, haiu a peddi propriu comu quannu cci’arrizza.

- Ho capito.

- Ancora mi sento...

- Ho capito, ho capito.

- Allura lei chi nummara pensa chi ci putemu mettiri? Ah già i scriviu?

- Ca cettu!

- Già lei l’hava scrivutu? Iu ci cuntava u sonnu e lei già scriveva!?!?!

- Ca cettu pì sti cosi!

- Ah picchissu lei mi stringeva d’arretu? Ho capito

- Chi ccì hava parsu?

- Pi non ciù fari viriri a fossi all’autri?

- Ca cettu!

- Però lei è n’famiu.

- Ognunu ccò so misteri!

- Senta ma su nesciunu, iu a lei ‘nrialeddu ciù vulissi fari...

- Non s’abbaruassi, già mu pigghiai.

- Senza offesa.

-  Già mu pigghiai.

- Va beni iu ciù fazzu u stissu, mi dicissi unni sa fa.

- A via de polli: è na traversa ca no spunta.

- Va beni, va beni ni viremu, arrivedella.

- Arrivedella, arrivedella.

(Quindi si dirige allo sportello)

- Senta me li ioca questi numeri?

- Chi nummara s’ha ghiucari.

- 1,3 e 90.

- Pi tutti i roti?

- Tutti pì Palemmu! Diecimilaliri.

- E cu decimilaliri voli fari futtuna!?!?!

- Aspetta ca pigghiu li soddi.

- S’ annacassi a iucata è pronta.

- Minc..ma unn’è u pottafogghiu?

- Ma chi mi cunta a mia, lei u sapi unni u misi.

- Ma ci l’aveva qua!

- S’addunassi bonu!

- Mi sto addunannu ma ci l’haveva qua, ci l’haveva qua, minc..ero sicuro che ci l’haveva qua.

- Ma non parrava ccù ddù cristianu antura?

- Ddu signori ca parrava ccu mia, chissacciu... quello non lo so, se ne è andato quello.

- Si n’agghiutu?

- Si n’agghiutu chiddu, perche?

- Chiddu scippa pottafogghi.

- Scippa pottafogghi?

- A nooh?

- Minc..! Non criru ca mi futtiu u pottafogghiu? Picchissu si stringeva a mia stu figghiu di iarusa mi futtiu u pottafogghiu, iu ci cuntava u sonnu...

- Bestia!

- ...E Iddu mi futteva u pottafogghiu.

- Bestia!

- Minc.., ora comu m’aritiru a casa.

- C’ erunu soddi?

- Cettu ca c’erunu soddi.

- Ma allura si bestia.

- C’era a pinsioni di me soggira, ci l’hava pigghiatu a stamattina.

- Ma quantu c’erunu, bestia.

- Buttana di la miseria ‘miliuni e mezzo.

- U ternu ‘u pigghiau chiddu.

- Cettu iddu pigghiau u tennu e comu!

- Tu pigghiasti fungi.

- Comu m’aricogghiu?

- Ca t’aricogghi.

- E cu ci ù dici a me soggira? comu sapi na cosa di chissa ci pigghia n’ coppu, pocca di la miseria pocca.

- E chi voi bestia?

- Minc.., unu a genti l’ha canusciri macari ‘nta facci.

- Bestia, non canusci i genti, bestia.

- Ma comu m’arritiru a casa, a chidda comu ci à dicu na cosa di chista? Mi mori, mi mori.

- Diciaccillo alleggio, bestia.

- Ci ‘u ricu alleggiu, alleggiu.

- Cettu.

- Ma cchi mi sta n’cucchiannu. Lei n’à canusci a me soggira! Chidda quannu ci dicu na cosa di chista mori.

- Megghiu ca mori, bestia.

- U sapi ca havi ragioni.

- Cettu.

- Ma sugnu bestia piddaveru.

- Ma non tu dissi iu.

- Ora anzi vaiu a casa e ci ‘u vò cuntu.

- Di cussa.

- Ci ‘u vo cuntu piddaveru, ci pigghia n’coppu, mori e arifriscu pi sempri.

- Minc.. a iucata si scurdau lu bestia ch’è bestia!

Quannu ci pigghia a bestia lu bestia ch’è bestia! Diventa chiù bestia di la bestia lu bestia ch’è bestia.

www.brigantony.org - brigantony Unofficial Web Site - online dal 4 dicembre 2005

Copyright © 2005  - brigantony.org - Tutti i diritti riservati. G&B grafica.