Il primo fan's site su BRIGANTONY!

‘Na vota ni lavavumu ‘nta pila

Na vota ni lavaumu 'nta pila  

e l'acqua cariaumu a fontana,  

cu dd'acqua frisca n'agghiacciavunu i pila, 

e n'arrunchiava tutta a' faviana; 

na' vota era bellu u' pani' casa, 

ccù quattru alivi comu ni calava, 

ccu na cipudda e m'bicchereddu 'i vinu, 

e quantu pani cottu m'ammuccava! 

Cchi belli tempi però 

ca non si scordunu cchiù 

passànu prestu però 

comu la nostra gioventùù!!!  '

Na vota caminava a pericuddu

senza vulillu spatti m'allinava

e rassu n'coddu non'aveva nuddu,

e a pasta ccu dda fami m'ammuccava.

'Na vota a genti prestu si cuccava,

picchi non c'era a televisioni.

Picchissu ogni famigghia aumintava,

iucavunu a scattari bomboloni.

Chi belli tempi però

Ca non si scordunu chiù...

Passànu prestu però

comu la nostra gioventùù!!

E ora nuddu si lava n'ta pila,

picchi n'ta casa tutti avemu u' bagnu,

a nuddu cchiù ci' arizzunu li pila,

picchi ci avemu intra u' scaldabagnu.

E oggi semu comu e' beduini,

nte strati tutti ammuccunu panini,

cche cavasachi e tutti cche pinnenti,

che testi'chiummu e ciriveddi nenti.

Chi belli tempi però...

chini di comodità...

A luci, u gas l'avemu,

e soddi pé bulletti non ci n'è!!!

   'Na vota, 'na vota,

   'na vota, 'na vota,

  'na vota pi tuccari na carusa,   

n'ta testa m'arrivau na' gazzusa  

e spatti picchi dissi na' parola,  

so patri m'abbiau a cazzarola.

  'Na vota, 'na vota,

  'na vota, 'na vota, 

comu dissi a mamma Rocca 

si taliava sulu e non si tocca, 

e oggi inveci c'è cù abbudda, 

non chianciunu su toccunu a' cipudda. 

'Na vota ni' lavaumu 'nta pila,

PARLATO 

........e echi era  bella dda pila, quantu voti me matri mi ci'abbuddava a'nura dda intra nicu, nicu, a mia! A tutti pari! Tutti pari dda' intra ni' lavaumu, n'aricriavumu! Ora anveci ccù sti lavatrici' sti scaddabagni cù s'abbrucia, cu si spinna!'

I fìmmini non volunu fari chiù nenti e ci ingrossunu i culi! Eh ! ! ! Bella, bella era a pila, vero!?!! 'Na vota ni' lavaumu tutti 'nta pila, ora invece ni ni iemu tutti a ciccari pila...

www.brigantony.org - brigantony Unofficial Web Site - online dal 4 dicembre 2005

Copyright © 2005  - brigantony.org - Tutti i diritti riservati. G&B grafica.